西安七天行

七日的西安行，見到學到的多，但玩的更多

 

第一日
在氣車和飛機中渡過~~初識了一班朋友，還有就是再次感受到傲翔天空的感覺
當晚就自己個組人去左鐘樓，影左d相
係戈度ge食街豪左幾蚊去試戈d所謂ge小食
之后就全組人，全個旅程都無試過個d野，態度唔好唔係一個問題
最大ge問題係唔好食嘛…

 

第二日
開始認識到西安的飲食交化，就係香料 加 辣椒 加 洋葱 加 蒜頭
味道真係唔係個個人都接受到
當時就諗到最強ge一味餸，就係洋葱炒蒜頭…無人食
之后係雨中去左西安交大听講座
其間，包含了大量的影相時間，無帶相機，所以要等人係fb度tag我,,kaka

 

第三日
朝日听完最后一個講座后，下午就開始我地ge西安旅遊
第一站就係傳說中的兵馬俑
一號坑真係好鬼多兵馬俑，氣勢宏偉.
隨后在景點的屠宰店度見到個買成十三萬ge觀音(玉做)…o晒嘴
買戈個應該有病…
睇完就去晚餐–餃子宴，順便睇 仿唐樂舞
呢個餃子宴同當年畢業旅行戈餐就差得遠lo..
呢餐先叫餃子宴，但個量，大約一人今到十一二只餃子啦
出餸快，我地又食得快，收得仲快，因為趕住開show
佢收晒d野，唔通惊我地覺得佢d舞唔好睇會用d餸咪上台？
之后個仿唐樂舞，的确係幾好睇ge，不過就部份"宫女"就老左小小咁大把lor
戈晚，在室友的邀請下，去左學同玩三國殺
只知這是一個幾屈機ge游戏，我諗創作人ge靈感應該是在killer呢個扑克游戲入邊得到ge….

 

第四日
一早起身，趕住去延安，車程係四個鈡或以上
途中就去軒轅廟同黃帝陵
唉，真係山高黃帝遠，又要爬山又要呢樣又要戈樣…想攰死人咩…
跟住，呢一日就差唔多係車度渡過
去到延安，入住延安大學窑洞賓館
夜幕降臨，又出去浦下
去左戈唔知咩橋度行街，行完就返大學啦
點知返到去，听到領隊之一講
我地頭行戈度條食街有新疆仔打交咁啱，仲有一批學生係戈邊
戈刻真係好似睇電影咁正，要即刻截的士過去兜返d人返黎
真係，旅行就係要發生d咁ge事先好玩ga嘛…

 

第五日
一早又係食埋晒戈d九成都唔啱廣東人口味ge早餐
本來今日要同延大學生交流，好似無人黎，所以取消左
係呢個中國革命根據地度，就梗係要睇返d历史野
一早就去登山，睇寶塔山
跟住就去革命歷史博物館
戈個博物館好似唔知邊度睇過咁，入邊睇d野好熟口面
但又講唔出幾時睇過..
食完lunch就去去楊家嶺
之后去枣園，以為係種枣ge，點知係毛澤東個批人以前住過ge地方..  =.="
楊家嶺同枣園都係戈d差唔多樣ge屋，都係戈幾條友住過之后而出名
話咁快就第四日，因為要在尾二晚歡送晚宴度表演(每組都要)
今晚就決定埋要表演d咩同做排練
決定左係 反串 加 仿唐舞 加 sorry sorry 加 nobody 加 第一支舞
係天台排到十一點幾，完左
跟住去左人地個組度玩三國殺，殺，殺，殺，殺到三點
再返去沖涼，無熱水，開水喉得返暖水….頂住沖左

第六日
又係一早起身，覺得特別凍
食完戈d嘛嘛地ge早餐后又趕返去西安
由八點半定九點開始搭車(准确時間忘了)
一直搭到三點…..攰到想講粗口
途中去到一個 天下第一墩 的地方，個度個橋墩真係高到腳軟
如果係戈度跳落去，真係不得了…
之后三點幾返到西安，食飯
戈陣時知道中左招，發燒
即係叫c姐俾左d藥我食….唉，臨完場先黎作病
三點幾食下午茶咩,跟住六點又話食…….
食完即係上房排劇，排下排下又訓左一陣
到左食飯，食完，跟住頒證書
頒完就開波，我地第一組，早去早享受
表演完就好hea咁睇人地表演~~~
完左就再去大雁塔北廣場睇夜景
感覺不錯，好彩有brian哥借件3俾我，唔係咁吹風法就死左
睇完又同埋d人出左去kfc叫雞，點知去到己經十一點幾，己關門
唯有返去食杯面，食完part藥又訓
最衰作病，唔係就會癲埋戈晚

 

last day
起身，食完野又出去，去左城牆戈度
又係一個狂照相的時間
睇完就返去lunch，跟住就去機場
用左大約一個鈡
去到之后，上埋機，有條友話唔搭，為左搵返佢件行理，延遲左一個鈡
跟住又搭左兩個幾鈡機，落左機，等左大半個鈡又上巴士返澳
又坐左三個鈡車
最后返到屋企十點九，還不算太遲，但好攰

 

總結
學到好多玩ge野，但己經唔記得玩過d咩..
手信，算吧，最憎揀手信….